పెళ్ళంటే గొప్ప స్నేహం ఆ స్నేహానికి పునాది నమ్మకం, గౌరవం..బాపూగారి పెళ్ళిపుస్తకం

ఏదైన సినిమా చూడాలంటే కాలక్షేపంకోసం చూస్తామేమో కాని బాపు గారి సినిమా చూస్తే మాత్రం ఏదో అనుభూతి, ఇంకేదో జ్ఞాపకాలకు తెరలేపుతాయి..అప్పుడప్పుడు పాఠాలు కూడా నేర్పుతాయి. పెళ్ళిపుస్తకం చూస్తున్నాను..అందం, అనుమానం, అసూయ, సొగసు, హాస్యం, అనుభవం, జీవిత/దాంపత్య సారం..అన్నీ కలగలిపి తీసినట్టుంది.లౌక్యానికి, బ్రతకేర్చిన తనానికి ఒక అనుమానపు తెర ఎలాంటి అపార్థాలను కలుగచేస్తుందో..ఆ తెర తొలగినప్పుడు ఎలాంటి నమ్మకానికి పునాది ఔతుందో అద్భుతంగా చూపించారు..అగ్ని సాక్షిగా పడిన ముడి..అగ్నిపునీతమైన ప్రేమకి నిదర్శనంగా చూపించారు.. ఆ పుస్తకం లోని ప్రతీ పేజి..ప్రతి దాంపత్య జీవితంలో ఉండే పేజినే.. ఎన్నిసార్లు చూసినా మళ్ళి చూడాలనిపిస్తుంది..ద్రుశ్య కావ్యం అంటే ఇదేనేమో..కథ సారాంశం: పెళ్ళంటే గొప్ప స్నేహం ఆ స్నేహానికి పునాది నమ్మకం, గౌరవం..

అరవింద సమేత వీరరాఘవ..

అరవింద సమేత వీరరాఘవ..ఇది అని ఏదీ చెప్పలేకుండా బాగానే ఉంది అన్నట్టుంది.పూర్తి నిడివి రాయలసీమ యాసలో సంభాషణలు నన్ను ఆకట్టుకున్నాయి.యుద్ధం తరువాత ఉండే పరిస్థితులని ఫ్యాక్షన్ సబ్జెక్ట్ లో చూపిస్తూ శాంతి నెలకొల్పడం కోసం కథానాయకుడేమి చేశాడు అని చూపించే ప్రయత్నం చేశాడు దర్శకుడు. నటీనటులు ఎవరి పాత్రకు వారు న్యాయం చేశారు.తమన్ రీ-రికార్డింగ్ సినిమాకి బాగా ఉపయోగపడింది.

నోటా అని ఒక సినిమా వచ్చింది..

ఏంటో..నిజజీవిత ప్రజాస్వామ్య వ్యవస్థలో, ప్రభుత్వాలలో, భారత దేశ/రాస్ట్ర రాజకీయ వ్యవస్థలో ఎప్పటికీ జరగని మార్పు సినిమాలలోని కలలలోని చూసుకోవడం చాలా బాగుంటుంది కదూ..కొత్తగా నోటా అని ఒక సినిమా వచ్చింది.. చూసి ఒక 2 గం|| కలలోకి వెల్లి రండి..ఎప్పుడైన వ్యవస్తాగత లోపాలు చూసి రక్తపోటు వచ్చేవాల్లకి కొంచెం రిలీఫ్ గా ఉంటుంది.

విశ్వనాథుడు తపస్వే..కాని..కళా"తపస్వి" మాత్రం "విశ్వనాథుడే"..

విశ్వనాథుడు తపస్వే..కాని..కళా"తపస్వి" మాత్రం "విశ్వనాథుడే"..ఎంత తపించాడో కానీ..శంకరాభరణం లాంటి సినిమాలు తీయగలిగాడు.ప్రతీ అక్షరం..ప్రతీ స్వరం..ప్రతీ సన్నివేశం..చెక్కినట్టుంటుంది..ఎన్నిసార్లు చూసినా ఇలా ఎలా తీసాడో అని ఆశ్చర్యం కలుగుతుంది..అంతర్లీనమయిన భావం అద్భుతం..

ఎవడ్రా వాడు..దిల్లీవాడు..నాన్సెన్స్..

తెలుగు రాష్ట్రాలకి అన్యాయం చేసిన ఏ పార్టీ బట్టకట్టదు..కట్టనివ్వొద్దు మనం.ఇదే ఆత్మగౌరవం కోసం తెలుగు దేశం, ఇదే అత్మగౌరవనినాదంతొ తెలంగాణా ఆవిర్భవించాయి. అదే నినాదం తొ కాంగ్రెస్ దాదాపు భూస్తాపితం అయ్యింది. ఇంక ఇప్పుడు మీరు. ఏదో పీకుతారని వోటు వేశాం. ఇది నేను చెప్పక్కర్ల..దేశమే చెప్తుంది..ఇటీవల ఎన్నికలే నిదర్శనం..మీరు అధికారం లోకి వచ్చినప్పుడు గుర్తుందా అఖండ మెజారిటి..మరిప్పుడు..చించండి కొంచెం.. ఇంక రాస్ట్రంలో 40 యేళ్ళ అనుభవమున్న సారు..మీరు ఇంకొంచెం స్పీడు పెంచాల సారు..అన్ని పార్టీలని కలుపుకొని కేంద్రం నడుములు విరవండి..ఇంకోసారి దక్షిణం వైపు చూడాలంటే ఎకరం తడవాలి..అంతేకాని విమర్శలు చేసేవాళ్ళమీద ఎగరడం వలన ప్రయోజనం లేదు సారు.. ఇంకోసారున్నారు..వారి గురించి ఎంత తక్కువ మాట్లాడితే అంత మంచిది..మేము సి.ఎం అయితేనే మాట్లాడతాం..ఒకవేళ మాట్లాడినా మా ప్రయోజనాలు మాకుంటాయి..కేవలం ప్రభుత్వం ఏది చేసిన ఒప్పుకోము..హర్షించము..రాష్ట్రప్రభుత్వం, కేంద్ర ప్రభుత్వం ఏమి చెయ్యట్లేదు అని మాత్రమే అంటాము..ఇంకేమి అనము..మీకు అంత సుపోర్టు ఉంది కదా.. మీరు ఒక్కసారి తొడగొట్టి దిల్లీ పెద్దల నడుము వంచరాదూ..మీకు సలాం కొడతాం..అప్పుడు మీరు సి.ఎం కూడా అవ్వొచ్చు..ఏమంటారు?మీరేమంటారు..ఒదార్పు యత్ర చేద్దం రండి..అది మీరు బాగా చేస్తారు..మంచి టాక్ ఉంది జనాలలో.. సరే..ఇక్కడితో ఆపుదాం. ఇప్పటికైనా అన్ని రాజకీయ పార్టీలు పార్టీలకి అతీతంగా కలిసి కేంద్రం పై యుద్దం ప్రకటించండి..సి.ఎం తొ సహ రోద్దుమీదకి వచ్చి నిరసన తెలపండి..ప్రజలు అక్కర్ల..ప్రజా ప్రతినిధులు మీరు చాలు..ప్రభుత్వం స్తంభింపచెయ్యండి..ఎవడ్రా వాడు..దిల్లీవాడు..నాన్సెన్స్..మాటతప్పినవాడు ఎవడైతే ఏంటి..నిజాయితీగా ఉంటే..నిజాయితీకి ఒక పొగరు కూడా ఉంటుంది..అది తియ్యండి బయటికి..నిజాయితి లేదంటారా..మీ ఇస్టం..మీరే ఒప్పుకున్నట్టు..

వెబ్ సైట్ లలో సినిమా "రివ్యూలు"..

వెబ్ సైట్ లలో ప్రతీ వాళ్ళు సినిమా "రివ్యూలు" రాసేస్తున్నారు. నేను మాట్లాడుతున్నది పర్సనల్ వెబ్ సైట్లుగురించి, పర్సనల్ కామెంట్ల గురించి కాదు...సో కాల్డ్ కమెర్షియల్ వెబ్ సైట్లు గురించి.కళ గురించి రాయడానికి కేవలం 'ఎనలిస్ట్' అయితే సరిపోదు, కళాకారుడో, కళను ఇష్టపడినవాడో, మంచి ప్రేక్షకుడో, అయి ఉండాలి. గుండె మీద చెయ్యేసుకొని ఒక్కసారి ఆలొచించండి. పైవాటిలో మీరు ఎదోక కేటగిరిలోకి వస్తే రాయండి. ఇది "కొంతమంది" కమెర్షియల్ టీ.వి సినిమా జర్నలిస్టులకి కూడా వర్తిస్తుంది.

కేంద్రంలో "స్పెషల్ కదలిక" పవన్ చలవే..

ప్రతిపక్షం అంటే ప్రభుత్వానికి వ్యతిరేకంగా అడ్డగోలుగా మాట్లాడడం, ఎదో ఒక రకంగా ఇరుకున పెట్టాలని చూడడం, ప్రజా ప్రయోజనం అనే పేరుతో బందులు చెయ్యటం, బస్సులు తగలబెట్టడం కాదు..ఫ్రభుత్వాన్ని సమర్ధించాల్సిన సమయంలో సమర్ధించాలి..ప్రశ్నించాలి..ప్రభుత్వం చేయలేని పనుల్ని చేయటానికి ప్రయత్నించాలి..అవసరమైతే కేంద్రంతో పోరాడాలి..అంతేగాని..ప్రభుత్వం అది చెయ్యలేకపొయింది, సి.ఎం ఇది చెయ్యలేదు అని మీడియాలో మాట్లడి ఇంట్లొ పడుకోవటం కాదు..ప్రభుత్వనికి బాధ్యత ఎంతుందొ ప్రతిపక్షానికి కూడా అంతే బాధ్యత ఉంది అని తెలుసుకోండి..ఈ విషయంలో పవన్ కల్యానే బెటెర్ అనిపిస్తుంది..ప్రతిపక్షం పాత్ర బాగా పోషించాడు. ఒక్క బహిరంగ సమావేశంతో కేంద్రంలో "కదలిక" తీసుకొచ్చాడు. ఎవరేమన్నా.. ఇది ముమ్మాటికి కరెక్ట్ మూవ్..