ఆంధ్రప్రదేశ్..అగమ్య గోచరం..గందరగోళం..

ఆంధ్రప్రదేశ్ రాష్ట్ర పరిస్తితి చూస్తుంటే ఏం చెప్పాలో అర్ధం కావడం లేదు. రాజకీయ స్వలాభం అనాలా, అహం అనాలా, ఒకరి మీద ఒకరికి కసి అనాలా, మొండితనం అనాలా, ఎత్తులకు పైఎత్తులనాలా, ఏం అనాలో అర్దం కావటం లేదు. జనాలు ఏం అనుకుంటున్నారో ఎవరికీ అవసరం లేదు. ఏమైనా అంటే అఖండ మెజారిటీ ఇచ్చారు అంటున్నారు. ఒకసారి ఎన్నుకుంటే ఇక మీరేమన్నా మాకవసరం లేదని ఏ ప్రజాస్వామ్యం లో చెప్పారో మరి. నిజం చెప్పొద్దూ ప్రతిపక్షం ఏమీ చెయ్యలేక విఫలయత్నాలు చేస్తుంది. ఆ మెజారిటీ కి ఎవ్వరూ ఏమీ చెయ్యలేరనేది నిజం. తాత్కాలికంగా ఆపడం తప్ప. చివరికి ఓడేది ప్రజలే. ఇదిలా ఉంటే..సోషల్ మీడియాలో అత్యుత్సాహం చూపిస్తూ విపరీతంగా కొట్టుకుంటున్నారు మాటలతో..బూతులు మాట్లాడుకుంటున్నారు. ఎందుకంత అత్యుత్సాహం? అలా చేస్తే చంద్రబాబు డబ్బులిస్తాడా? లేక జగన్ ఇస్తాడా? కొంచెం బుర్రతో ఆలోచంచండి. అలా ఇచ్చి మాట్లాడించనవాళ్ళు లేకపోలేదు..కానీ మామూలు పజానీకం కూడా మాట్లాడేస్తున్నారు. కొసమెరుపేంటంటే..ప్రభుత్వానికి, ప్రతిపక్షానికి భక్తులెక్కువయ్యారు.. అవును..ఒక చిన్న విమర్శనని తట్టుకోలేని..అసలు విననేలేని భక్త భృందంమరి..అంటే..విరుచుకు పడిపోతున్నారు..నాకెందుకో మీకు బాగా కలిసివచ్చిందనుకుంటా? ఇది సరైన విధానం అనిపించటంలేదు మరి. విమర్శని స్వాగతించండి. పధ్ధతిగా సమాధానం చెప్పండి.